Getty Images
Fyrirspurn sem sett var inn í gríni rataði inn á Facebook-síðu lögreglunnar á höfuðborgarsvæðinu á dögunum. Lögreglan tók létt á málunum og bauð upp á ókeypis gistingu í klefa við Hverfisgötuna.Ungur maður sendi fyrirspurn á vegg lögreglunnar og spurði þar hvort neita mætti honum um þjónustu ef hann mætti á nærbuxum einum fata í Bónus. Lögreglan svaraði fyrirspurninni en skömmu síðar greindi notandinn frá því að hann hefði sannarlega ekki skrifað fyrirspurnina heldur hefði verið um Facebook-hrekk.
Þessi sprellikarl/-kona sem gerði þetta á inni fría gistingu í klefa á lögreglustöðinni að Hverfisgötu 113.
Djók,
skrifaði lögreglan á eigin síðu.
Burtséð frá gríninu segir framkvæmdastjóri Bónusverslana erfitt að skilgreina hvað sé innan siðferðismarkanna.
Hvað eru nærbuxur og hvað er sundskýla? Myndi maður ekki afgreiða þann sem kæmi í verslun í sundskýlu? Annars ættu þeir sem haldnir eru sýniþörf að fá útrás fyrir hana annars staðar en hjá okkur,
sagði Guðmundur Marteinsson, framkvæmdastjóri Bónusverslana í samtali við Pressuna.
Facebook
YouTube
